Gísla blogg.

- jæja, of gott veður og fallas á leiðinni.

2007-03-01T14:53:00.000Z

Þessa daganna er betra að halda sig bara inni nema að maður ætli að vera sveittur allan daginn - neinei kannski ekki alveg, en það er allavega mjög heitt. Reyndar sagði Amparo við mig hlæjandi "finnst þér þetta heitt? Óboy hvernig verður þú eftir 2 mánuði".

Það er lítið að frétta fyrir utan kannski að núna er að skella á þjóðhátíð Valencia - svokölluð Fallas (fæjas) sem stendur í rúmlega 3.vikur og er mjög spennandi. Talið er að um að milljón manns víðsvegar um heiminn er kominn til að vera hérna bara yfir hátíðina! Það er jafnmikið og býr í Valencia fyrir!

Þegar ég var að labba úr skólanum var líka endalaust af fólki útum allt. Þetta lítur mjög spennandi út. Ég var e-ð að reyna að kynna mér hátíðina, fékk einhverja bæklinga og eitthvað - gúgglaði þetta svo bara - miklu betra :)

Það eru mikið af upplýsingum um þessa hátíð á wikipedia og þið getið lesið um hana hér ef þið hafið áhuga.

Í stuttu máli lýsir hún sér að það eru öll hverfi í Valencia búinn að skipa einhversskonar hóp til að búa til styttu, sem verða útum alla Valencia, þetta eru víst risastórar flottar styttur útum allt. Það er líka mikið um flugelda og sprengingar. Síðan á síðasta deginum 19. mars, er brennt allar stytturnar nema eina, flottustu styttuna (þetta er keppni) og hún er sett á safn.

Ég ætla að reyna skoða þetta e-ð betur á morgun þegar ég fer til Valencia.

- Ég er samt með tvær afmæliskveðjur til að skila. Til mömmu og Katrínar systu.
Katrín að verða þrítug (24) hehe, og mamma að skríða í hálfa öld! (47)
Til hamingju með afmælið, þið eruð sætastar.

jæja - ætla í smá sólbað áður en ég sækji strákanna - verið sæl.

ég er á spáni - þú ert bjáni

2007-02-25T15:27:00.000Z

ahh, helgi, ekkert stress. Það er svo gott.

Foreldrar Óskars komu í gær, þau eru mjög fín. Komu með fullt af íslensku nammi handa mér! Nammi namm. Ég hataði ekki djúpurnar og appóló lakkrísin. Síðan voru nóa kropp kúlurnar ekkert af verri endanum.

Í dag fórum við á ströndina, ekkert samt í sólbað - það var nefninlega smá vindur í dag. Síðan komu foreldrar Amparo og við fórum út að borða. Fengum Paya sem er eiginlega þjóðarréttur spánverja, mjög spes :)
Aðalumræðuefnið á borðinu var um Binna í gröf. Pabbi Óskars vissi mikið um hann og var að segja okkur frá honum. Var að segja okkur sögur um langafa minn.
Foreldrar Amparo voru mjög áhugasöm um þetta allt saman. Samtölin voru samt ansi skrautlegt á ísl-spæ-ensku. já! Þau skilja bara spænsku.

... annars er lítið af frétta.

jú! Boltanum mínum var stolið!
Adids boltanum mínum fallega - kostar 11þús krónur - Allavega, ég fór með hann á æfingu. Einn spánverjin dúndrar honum yfir háa netið (bakvið markið). Síðan ætlar hann að fara að ná í hann, þá stoppar bíll, tekur boltann og brunar í burtu.
ég var ekkert geðveikt hress það sem eftir lifði æfingarinnar.

adios

Davíð og Óskar

2007-02-22T21:58:00.000Z

Það er alveg ótrúlegt hvað tveir albræður geta verið ólíkir.

Davíð veit mikið þegar að það kemur að kvennamálum.

Eins og kunnugt er var valentínusardagurinn fyrir stuttu, Davíð 4 ára strákur að verða 5 ára fór sjálfsviljugur út í garð og bjó til blómvönd handa kærustunni sinni Carolinu. Hann bjó líka til svakalega sætt hjartalaga kort allt handa kærustunni og það sjálfviljugur. En hún vildi ekki gjafirnar, greyið Davíð.
Hann er ótrúlegur.

Síðan í gær þá var hann að teikna og teiknaði giftinguna sína við Carolinu, og allar gjafirnar frá honum til hennar. Það var gulleyrnalokkar, svartur kjóll, varalitur, meik (já meik!), og skartgripi.
Hann tók það líka sérstaklega fram að hann ætlaði að gefa henni flottasta hring sem til er.

Hann talar um Carolinu á hverjum degi, hvernig allt verður frábært. Þau ætla að búa saman í disneylandi.

Davíð er líka algjör orkubolti og það þarf mikla þolinmæði til að koma honum í rúmmið.

Hann er frábær - Eins og bróðir sinn. Sem er reyndar frábær á allt annan hátt.

Hann Óskar vill ekki heyra minnst á stelpur. Hann er svakalega góður að teikna, rosalega góður í skóla. Getur orðið talað Ensku, Spænsku og Íslensku svakalega vel. Getur líka lesið öll þrjú tungumálin og skrifað á ensku og spænsku.
Hann hugsar líka mikið um hvað sé hollt fyrir hann.
Það hefur oft gerst þegar þeir fá súkkulaði kex að hann vilji ekki fá sér vegna þess að það sé ekki gott fyrir tennurnar.
Hann er líka duglegari að borða matinn sinn heldur en Davíð.

Óskar sofnar samt alltaf um leið og hann leggst á koddann annað en litli bróðir sinn. Hann ákveður líka stundum um helgar að taka sér siestu!

Stundum geta þeir verið rosa erfiðir, þá sérstaklega Davíð. En það fylgir því að vera börn.
Ég elska börn.

Davíð og Óskar á góðri stund.

Gefum þessu smá meiri tíma...

2007-02-13T22:23:00.000Z

Jæja, ég hef ákveðið að gefa þessu smá meiri tíma. Eftir langt tal við Amparo og Óskar þá ætla ég að byrja á að reyna að eignast vini. Ég á í smá erfileikum með að eignast vini vegna þess að ég tala enga ensku og hef alltaf verið frekar feiminn.
Reyndar er Amparo svo ófeimin að hún labbaði bara beint í húsið á móti og spurði strák hvort hann vildi ekki bara hitta mig einhvertíman - hann talar ensku.

Ég fékk mikið af hrósi fyrir hvernig ég er búinn að vera með strákanna, þeir elska mig alveg. Sem er gott. Þau vilja gera allt fyrir mig, t.d. ætlar Óskar að sleppa því að fara á Valencia - Barcelona bara til þess að ég geti boðið einhverjum á leikinn! S.s. ég er að fara á Valencia - Barcelona á sunnudaginn! YEAH!

Ég meiddist á æfingu á fimmtudaginn seinasta, ökklameiðsli í 32034-unda skiptið. Þetta leit alveg hræðilega út í fyrstu, ökklinn var þrefaldur. En það hefur verið alveg ótrúlegur bati, sem betur fer. Ég fór á æfingu í dag, tók því bara rólega. Gat ekkert sparkað í boltann, þurfti því að nota vinstri - það var ekki fallegt hehe. Ég vonast til að verða kominn á fullt skrið eftir 7-10 daga ca.

... Þetta er allt sem er að frétta af mér
hvað með ykkur?

..æjji mér fannst þetta bara svo fyndið

mig langar heim

2007-02-10T23:47:00.000Z

Ég vil ekki bregðast neinum, en mig langar heim. Mér finnst ég ekki vera að bæta mig neitt sem persóna hér. Mér líður virkilega illa.
Ég er búinn að gefa þessu séns, í mánuð og er ekki að sjá fram á að ég geti verið hérna mikið lengur.

Það er bara ekkert hérna sem kætir mig, ég er ekki búinn að hlægja almennilega í mánuð. Ég er bara ekki að njóta mín.

Mig langar að halda áfram með líf mitt heima á Íslandi. Ég er alveg til í að fara einhvert út sem skiptinema eða e-ð slíkt, þar sem ég get eignast vini. Ég er ekki alveg að sjá það gerast hérna á spáni aðallega vegna þess að það talar enginn ensku hérna! Auk þess þá myndi ég ekki hafa tíma fyrir vini. Ég fæ nefninlega ekki einu sinni nægan tíma fyrir sjálfan mig.

Ég sakna vinana, fjölskyldunnar, fótboltans, tónlistinar og bara geta hlegið, og skemmt mér. Því ekki get ég gert það hér.

... Ég ætla að gefa þessu pínu meiri séns, tala við fólkið og sjá hvernig málin standa. Ég vil samt ekki bregðast neinum, mér finnst ég bara ekki vera að upplifa það sem ég bjóst við. Mér finnst þetta ekkert spennandi lengur. Það heillar mig ekki að vera húsmóðir því miður.

Ég sakna ykkar allra, kv. Gísli lonelyboy

Spánland.

2007-01-29T23:29:00.000Z

16 dagar búnir og Gísli orðinn þreyttur á þessu öllu saman. Fyrir þá sem ekki vita er ég au-pair á spáni næsta hálfa árið - efa stórlega að ég klára árið.

Ég ætla að lýsa týpískum mánudegi hérna á spáni.

Mánudagur : Vakna kl. 07:30. Geri nesti í skólan fyrir strákanna, brauð með ólívu olíu, osti og skinku og einhver drykkur.

Hita mjólk fyrir þá, vegna þess að þeir drekka ekki kalda mjólk. Eða bara ekkert kalt. Ekki vatn, gos né neitt. Geri svo tilbúið jógúrt og einhvern ávöxt, oftast appelsínu eða mandarínu.
Fer og vek strákanna, þarf að láta þá klæða sig í eða þarf að klæða þá í, sem getur ve rið ansi erfitt. Brýt saman náttfötin og bý um rúmmin.
Passa að þeir borði allan morgunmatinn sinn, og geri allt tilbúið fyrir skólan. Læt þá þrífa sig og greiða sér.

Þarf síðan helst að vera kominn útí bíl að skutla þeim í skólan í þorpinu kl. 09:00 til að vera ekki seinn. Það tekur ca. 15-20 mín að fara með þá í skólan. Síðan fer ég þaðan beinustu leið uppá lestarstöð sem er mjög nálæg skólanum.
Ég tek lestina til Valencia útaf nokkrum ástæðum.
- Tekur styttri tíma en að keyra á morgnanna.
- Kostar minna ef miðað er við bensínverð.
- Það er ómögulegt að fá stæði í Valencia.
- Fínt að annaðhvort sofa eða læra í henni.

Það er ekki mjög sniðugt að ég sé að keyra mikið til Valencia enda er umferðin brjáluð hérna.
Ég er kominn til Valencia kl. ca. 10 og fer þá annaðhvort að skoða í búðir, að borða eða fer á markaðin til kl. 11 en þá fer ég í spænskuskólann.

Ég er tvo tíma í honum og fer þá annaðhvort að borða eða kaupa eitthvað ef ég þarf. Reyni svo að ná lestinni kl 13:20 en annars fer ég oftast kl. 13:50 heim með lestinni. Er þá kominn kl 14:14 á lestarstöðina í Pucol, þorpið sem er rétt hjá hverfinu mínu.

Ef Amparo eða Óskar, fólkið sem ég bý hjá, hafa sett mér e-ð fyrir eins og að taka krakkaherbergið í gegn, þrífa svalirnar, versla inn, brjóta saman (þarf reyndar að gera það á hverjum degi) þá geri ég það og þá er kl. orðinn svona 15:30 - 16:00.

Þá reyni ég að læra einhverja spænsku, en ég læri 10 ný orð á dag og þarf að segja Amparo þau á hverju kvöldi. 70 á viku og 300 ný orð á mánuði. Læri þau samt stundum bara í lestinni heim. Reyni svo að fá mér að borða ef tími gefst til. Þarf svo að vera mættur til Pucol að sækja strákanna í skólann kl. 16:45.

Ég fer með þá heim, læt þá borða ávexti eða kex. Læt Óskar (eldri strákurinn, að verða 7 ára) gera heimanámið sem er allt á ensku. Vegna þess að þeir eru í Enskum einkaskóla. Reyni þá oftast að láta þá fara strax eftir það í náttfötin, en þarf oftast að múta þeim með ýmsum leikjum til þess að þeir fari í náttfötin. Síðan leikum við, ég má ekki bara seta dvd í tækið og tjilla því það má bara um helgar nema ef það sé e-ð sérstakt tilefni. Oftast verður feluleikur fyrir valinu, þeir eeeelska feluleik.

Eftir það fer ég að elda matinn, en það er oft tilbúinn matur í ofninum sem þjónustustúlkan gerir á daginn. En það er oftast bara fyrsti réttur. En strákarnir borða alltaf tveggja rétta máltíð ásamt ávöxtum í endan. Þannig ég þarf oftast að elda e-ð smá og síðan bara hita upp það sem er búið er að gera. Læt þá borða um kl. 19:30 (flestir borða kvöldmat um 20:30 - 21:30). Ekki létt að láta þá borða.

Eftir það leikum við til kl. ca. 20:40, þá fá þeir mjólk og ávexti eða kex. Þaðan tannbursta þeir sig, pissa og þrífa sig. Sem ég þarf oftast að hjálpa þeim með. Síðan upp í rúmm, og ég les sögu fyrir þá. Stundum eru þeir ekki sofnaðir fyrr en um 22:00.

Þá verð ég að gera allt tilbúið fyrir morgundaginn. Pússa skóna þeirra á hverju einasta kvöldi, láta ný föt, skólafötin, láta hin fötin í þvottakörfuna, og laga til eftir þá ef það er eitthvað.

Ég er þá búinn svona ca. 22:30, aaaalveg uppgefinn eftir daginn. Þá reyni ég að fara á msn eða skype að tala við fólkið heima, og núna frameftir reyni ég að blogga eitthvað.
Síðan er ég sofnaður rétt yfir 23:30, þá búinn að skella mér oftast í sturtu.

Þannig að, það er aaaalltof mikið að gera. Ég fæ lítinn tíma fyrir sjálfan mig, samt hjálpa foreldrarnir alveg líka ef þeir eru komnir áður en strákarnir eru farnir að sofa.

Ég sakna ykkar allra alveg svakalega, ekki enn búinn að kynnast neinum en það er allt í bígerð. Ég bið að heilsa öllum, endilega commentið á þetta blogg. Ég læt myndir bráðlega.

peace. p.s. tékkið á þessu http://www.leiknir.com/default.asp?op=frettir&sop=einfrett&frett=2624

Fréttir af Gísla, ekkert annað.

2006-09-04T02:19:00.000Z

Ahh, tjí sví. Mikið að gerast maður, en samt ekki.

Ég er alltaf að efast meira og meira um að ég fari til Flórída næsta haust. (Ég var búinn að ákveða að fara þangað í skóla, fyrir þá sem ekki vissu)

Það er nefninlega þannig að ég á ekkert rosalega erfitt með að eyða peningum. Ég á ekki krónu núna, samt fékk ég 100 þúsund útborgað!

Ég er búinn að kaupa mér;
- Draumagítarinn - Fender Telecaster - .
- Copa Mundial takkaskó.
- Legghlífar.
- Pétur Ben - Wine for Weakness.
- My summer as a salvation soldier - Anarchist are hopless romantics.
- Peve magnara.

.. og síðan skulda ég pening..

Með þessu áframhaldi, verð ég að láta mér duga að dreyma aðeins um útlönd. Því ekki sé ég fram á að græða mikinn pening í vetur,
vinnandi aðra hvora helgi í 11/11. Ég get ekki tekið fleiri vaktir en það. Því fótboltaæfingar taka sinn toll.

Talandi um fótbolta. Það gæti verið að seinasti leikurinn í Íslandsmóti sé á morgun, það fer eftir ýmsu. Við leikum allavega gegn Gróttu á morgun á Ghettó Ground, leikurinn byrjar kl. 18:00 og væri gaman að sjá sem flesta. Við þurfum á stuðningi að halda.

Síðan eru það hljómsveitaræfingar. Núna er ég víst í tveimur böndum! Einu með Óskari, Birki og Kela.
En hinu er ég með Kela, Elíni (stelpa sem ég kynntist á netinu) og okkur vantar svo trommuleikara. Ég er reyndar ekki búinn að fara á hljómsveitaræfingu með síðar nefnda bandinu, því það var eiginlega stofnað í gærnótt. :)

Endilega tékkið á sólódæminu hjá Elíni, það er da'bomb www.myspace.com/elineyj.

Núna er ég búinn að segja allt held ég. Ég blogga aftur eftir ár. (djóhók)

Góðir dagar framundan.

2006-07-26T22:31:00.000Z

Sigur Rósar tónleikar í mikla túni. Óóóójá
Leikur gegn Víking Ó. Óóóójá
Þjóðhátíð í Vestmannaeyjum. Óóóójá

.. Annars er ekkert að frétta, er bara að vinna og spila fótbolta. Um það bil ekkert annað.

mig langar í þig

2006-07-19T00:48:00.000Z

Ég elska að fletta í gegnum myspace, ég finn alltaf svo mikið af áhugaverðu fólki sem ég væri til í að kynnast. Þá er ég ekki bara að tala um íslenskt fólk.
Það eru svo margar fallegar stelpur og áhugaverðar. Þær sem hlusta á góða tónlist og líta út fyrir að vera bara, hmm já áhugaverðar.
een hvar eru þær, þá er ég að tala um þær íslensku. Eru þær í felum frá mér? Mig langar í þær. Ég þekki allavega alltof lítið af svona stelpum, það er til nóg af þeim samkvæmt myspace. Nema að myspace sé að ljúga?

- Þetta er samt draumastelpan á myspace hún er e-ð svo dularfull, sést ekkert í andlitið á henni í myndunum, sést samt að hún sé sæt. Síðan er tónlistin sem hún semur bara alveg ótrúleg. Vá.

Ef þú lærir íslensku og lest þetta, viltu þá giftast mér? kv. Gísli

endurkoma Gísla, eða hvað?

2006-07-17T01:46:00.000Z

Afhverju nenni ég þessu, að halda út þessari síðu? Breytir rosalega litlu.
Núna eru komnir meira en tveir mánuðir síðan ég skrifaði seinast hérna inn. Það er hræðilegt.
Það sem er búið að gerast á meðan í óréttri röð.
Leiknir 2.flokkur urðu Reykjavíkurmeistarar í fótbolta.
Fartölva mín bilaði.
Ég keypti mér kassagítar.
Ég fór á Írska daga.
Ég fór á Færeyska daga.
Hárið mitt er allt farið. (já ég er sköllóttur)

æjji só.

Sumarið er búið að valda miklum vonbrigðum. Ekkert nema helvítis metnaðarleysi og aumingjaskapur búinn að vera rústa öllu því sem mér þykir vænt um, þá er ég að tala um í mér sjálfum. Með hverjum deginum sem líður leiðist mér meira og meira. Mig langar að fara á einhvern framandi stað þar sem ég get lifað góðu lífi. Á meðan ég hugsa þetta kemur það líka upp í hugan að ég sé bara að blekkja sjálfan mig, haldandi að grasið sé grænna hinu megin eins og sagt er.

oh ég er svo emó. oh ég er svo einn. oh ég er svo einn og emó.

Sjittarídey

2006-05-08T00:44:00.000Z

Ahh. Þetta var góður dagur. Æðislegt veður og eina sem gerði var að stunda íþróttir. Aðallega körfubolta og fótbolta, klikkað stuð enda alltof gott veður.

æjji só.

Vildi bara minna á leik Leiknis og ÍR á þriðjudaginn á Leiknisvelli. Ég læknaðist á ökkla á klikkað skömmum tíma og er afar þakklátur guði fyrir það. Eða.. jaá.
Ef við vinnum leikinn verður við Reykjavíkurmeistarar svo að ég ætla að hvetja alla að mæta.

Meiddur á ökkla, AFTUR!

2006-05-02T21:47:00.000Z

Í dag vaknaði ég snemma til að þreyta eitt stykki stæ 102 próf. Ég held að mér hafi gengið ágætlega, allavega miðað við minn stuðul.
Ég er samt skíthræddur um að falla, ég skilaði einum skiladæmum af fimm. Bara útaf leti, ég á það nefninlega til að hugsa bara "æjjjh! Þetta reeeddast".

Jæja, eftir þetta stærðfræðipróf hitti ég Viktor og Birkir, við sóttum Eyjólf og skunduðum til kópavogsbæjar í von um að geta spilað knattspyrnu á sparkvöllum sem þar eru.
Við ákváðum að keppa tveir gegn tveimur. Ég og Birkir byrjuðum saman.
Fyrsta snertingin mín á boltan var þegar Viktor skaut að alefli í ökklan minn og ég þurfti að fara beinustu leið uppá slysó.
Frekar svekkjandi, samt svolítið fyndið.

.. Núna missi ég væntanlega af leiknum gegn ÍR á laugardaginn, en ef við náum stigi gegn þeim eru við REYKJAVÍKURMEISTARAR!
Grautfúlt af missa af þeim leik.

fokksjitt. bless.

Memmorís maður

2006-04-27T18:02:00.000Z

Ég man þegar Viktor Svíi var nýfluttur hingað til lands í 4.bekk. Það var svo fyndið hvað hann kom með alltaf í nesti fyrsta árið. Hann kom alltaf með jarðaberjasafa úr svona dósum í tómatsósuflösku!
Þið vitið svona jarðaber í dósum eins og maður lætur á kökur og ís og svona. Hann kom með safan úr því í Hunt's flöskum í skólan.

Mér fannst það ekkert svo skrýtið þá. En núna! Ojj, það er ógeðslega ógirnilegt örugglega.

Fyndið.

Invation from Venus.

2006-04-13T13:41:00.000Z

Þetta lag er í sex mínútur og fjörtíu og fjórar sekúndur. Þetta eru sex mínútur og fjörtíu og fjórar sekúndur af sælu. Lagið byrjað á þvílíkum acoustic kafla sem færist næstum strax í hraðan rokk kafla sem er mjög góður. Ekkert of flókinn en mjög skemmtilegur. Eftir smá stund rennur lagið út... og rennur og rennur..
Aðeins trommurnar og bassinn er eftir..
Seinna mér kemur gítarinn róólega inn í með frábæru riffi sem eykst og eykst! Hlustandinn fylgir með, bíðandi átekta eftir að lagið muni springa upp í brjálæði. En þá kemur rólegur gítarkafli og mjúk rödd kemur til bjargar og lagið fjarar út á mjög þægilegan hátt.

Laginu má líka við sjálfsfróun þegar iðkandi hættir í miðjum klíðum en fær samt sem áður fullnægingu í endalokin.

Þetta lag er með íslensku unglingasveitinni Big Kahuna og hef ég ekki orðaforða yfir hversu mikið álit ég hef á sveitinni.

Ég mana ykkur að hlusta á það, þið verðið.. Ef þið vilduð gera svo vel Invation from Venus

Fellaskólapakk

2006-04-13T01:18:00.000Z

Mig langar aftur í Fellaskóla, slappa af og stela nammi úr nemendaráði. Ohh, þvílík sææla. Labbandi um ganga syngjandi og vera alveg sama hvað fólk heldur um þig.

Ég man, allir starfsmenn skólans elskuðu mig vegna þess að ég var svo kurteis en voru samt alltaf að segja mér að lækka í mér í frímínútum.
Þá var mér sama um allt og alla. Eða allaveganna næstum því, mér var allavega sama um nám mitt. Nennti ekki að læra eða neitt. Það var rosalega þægilegt.

Nú er ég kominn í FB, þar dæma mann allir. Eða ég held það, samt ekki jafn mikið og í t.d. Verzlunarskólanum. Maður getur aldrei sungið á göngunum annars er maður álitin fáviti, ef maður er kurteis við starfsmenn skólans gefa þeir manni ekki einu sinni glott á móti.

Ég sakna þín Fellaskóli.

égvil

2006-04-12T02:31:00.000Z

Mig langar en ég fæ ekki, eða held það allaveganna. Hef reyndar ekki reynt mikið. Verð að reyna.
Eða hvað?

emósjitt.

Vildi bara blogga, hef ekkert að segja. Mér finnst bara svo gaman að lesa komment.
Eina sem ég geri þessa daga er.. æj já ekki neitt.

Jú ég fór í billjard áðan, það var alveg stuð. Fór með Hemma og félugum. Já það var stuð.

Hef ekkert að segja, bæ.

Nokkrar mínútur í vinnu.

2006-04-10T16:20:00.000Z

Þótt ég hati vinnuna mína ekki finnst mér alltaf jafn leiðinlegt að vita það að ég eigi eftir að eyða öllu kvöldinu í vinnu. Núna er ca. hálftími í það að ég er eftir að dúsa í 11/11 í sex klukkutíma, ekki mjög heillandi.

Vonandi verður mikið að gera, annars líður tíminn ekkert.

Skrýtið

2006-04-10T01:57:00.000Z

Mér finnst eins og enginn þekki mig. Ég er allt annar Gísli fyrir framan vini mína heldur en Mömmu og pabba og öfugt. Mér finnst meira segja eins og foreldrar mínir þekkja mig ekki neitt, nákvæmlega ekki neitt. Enda held ég öllu frá þeim, allt mitt líf hef ég farið mínar eigin leiðir. Eða það finnst mér allaveganna.
Enginn í fjölskyldunni minni hefur náð langt í íþróttum, eða allaveganna mjög fáir. Enginn hefur náð langt í tónlist. Þrátt fyrir það eru þetta tvær brautir sem mig langar til að leggja undir mig í framtíðinni, þó svo að þær séu ekki mjög samræmdar.

Ég er að fara aðra leið en flestir í minni fjölskyldu og ætt. Mér finnst það svolítið erfitt. Ég ætla samt ekki að vorkenna sjálfum mér vegna þess að það er ekki mannbætandi.
Mig langar að gera eitthvað við líf mitt, eitthvað einstakt. Ekki bara festast í skrifstofustarfi, níu til fimm starfi.
Ég er kvíðinn fyrir framtíðinni, hræddur að fullorðnast.

Kannski er þetta bara allt saman unglingaveiki, gæti verið.

MT

2006-04-04T14:32:00.000Z

Tónlistarstöff, JÁMARR!

2006-04-04T00:19:00.000Z

Ég var að kaupa mér nýjan gítar, þó svo að ég þurfti þess nú ekki. En það er alltaf gaman að eyða peningum í e-ð fallegt og gott. Gítarinn sem varð fyrir valinnu var Squier Telecaster, bæði útaf þokka og mjög svo lágs verðs. 15900 keiz, ekkineitt!

B-E-A-utiful!

Ég var fyrstur til að kaupa nýju Mammútar plötunna í dag! Fyrstur í smekkleysu allaveganna, mér leið geðveikt vel... Þetta er góður disku, mæli að fólk skelli sér á þessa útgáfutónleika!

Ég fer ef ég næ að redda mér pening maaan.

Svo hafa Big Kahuna hafa loks "gefið út" sitt annað Ep, eða ..já. Áætlun þeirra var alltaf að gefa hana einungis út á kassettu, bara svona upp á fun-ið. Það var nú samt aðeins of mikið vesen fyrir þá kappa þannig að þeir smelltu þessu bara á netið í staðinn.

Hér getiði downloadað stykkinnu, To Be Frank. Mæli með þessu.

The Bad Beginning
Skiptracker
Sweet Sixteen
Invation from venus (De milo)
I'm OK

BIG K! BIG K!

-bæ...

jámarr

2006-03-21T16:35:00.000Z

Ég horfi með stolti á Reykjavíkurmótstöflunna. Leiknir R. 2.flokkur er í fyrsta sæti eftir þrjá leiki. Markatalan er 11:2.
Leikirnir eru búnir að fara; 3-1 á móti KR, 4-1 á móti Víking og 4-0 gegn Val. Ekki amalegt það!
Fréttir dagsins er að ég er alvarlega að spá í að flytja til Englands til systur minnar í eitt ár, eða tvær annir réttara sagt. Mig langar í einhverskonar íþróttaskóla. Ekkert er samt ákveðið ennþá.

Síðan er það bara vestmannaeyjarferð á föstudaginn! Það verður mega, vonandi.

Vildi nú bara skella inn einhverju smá á þessa síðu því ekki hef ég verið mjög iðinn við færslur upp á síðkastið.

Ég lofa fleiri færslum, þangað til þá. Bless.

Asnalega fáránlegt, ódýrara að vera feitur!

2006-03-12T14:48:00.000Z

Síðast liðnar vikur er ég búinn að vera að passa hvað ég set ofan í mig, vegna hræðslu að missa getu í fótboltanum, og já að lýta betur út.
Eins og sumir vita vinn ég í 11/11 og vinn þess vegna mikið með vörur.
Það er næstum undantekningalaust að vörur eru dýrari ef þær eru annaðhvort "diet" eða "létt". Það er alveg út í hött.

Mér er sama að þó svo það sé dýrara að gera þær vörur, þurfa kannski að nota mikið af gerviefnum sem eru dýrari en alvöru efnin. Það gæti verið þannig að annaðhvort Baugur, Kaupás eða hvað er verið að tala um, gæti látið slá niður verðið af þessu á sinn kostnað.
Ég mundi reyndar alveg skilja ef þær myndu ekki vilja það útaf því að þær myndu missa tekjur á því.

Íslandingar eru nefnilega ansi nískir.

Þar kemur ríkið inn í. Mér finnst að það ætti að gera eins og breska ríkið, byrja herferð. Heilsuherferð. Mér finnst að það ætti að borga á móti vörunum, sem er verið að tala um.
Þessi herferð er víst að ganga svakalega vel þar í landi og ekki sé ég neitt til fyrirstöðu að það ætti ekki að gerast hér.

Hvað finnst ykkur? (kommentakerfið)

draumur minn .. .. (2)

2006-03-06T00:35:00.000Z

Ég vil verða þjálfari í neðri deildum í englandi. Ég veit ekki hvernig ég á að lýsa þessum draumi e-ð betur.

Mamma elskar death cab!

2006-03-02T02:13:00.000Z

Mamma mín og systir mín eiga báðar afmæli í dag. Mamma er orðin fjörtíu og sex ára og Katrín systir mín tuttugu og þriggja.

Þetta er svolítið magnað. Þær eiga báðar afmæli 1.mars, báðar heita Katrín oooog Mamma er akkurat helmingi eldri en systir mín.
Ég er eftir að gefa þeim báðum gjöf. Ég verð að gefa þeim e-ð flott. Hví? Vegna þess að ég á afmæli eftir tuttugu og fjóra daga. Tíhíhí.

Þegar ég kom heim í kvöld tók mamma vel á móti mér. Sagði að ég væri með góðan tónlistarsmekk. Ég skrifaði nefninlega Death Cab for cutie disk handa henni, og hún elskar hann!
Hversu svalt er það? Mamma elskar Death Cab.

Katrín Eva sæta á góðri stundu.

Sorrí Mamma, fann ekki mynd af þér.

draumur minn .. ..

2006-02-26T13:06:00.000Z

Ég hef svo marga drauma í lífinnu. Ég ætla að update-a draumana mína einu sinni í viku. Þ.e.a.s. segja frá einum draumi á hverjum sunnudegi í óákveðin tíma.

Draumur 1.
Draumur minn er að fara til einhvers lands, á evrópusvæðinnu helst, með gítarinn einan að vopni(þegar ég verð góður, auðvitað).
Ég vil ekki eiga mikinn pening nema rétt svo fyrir mat.
Ég vil fara á einhverja ógeðslega krá. Ég vil að á kránni sé fólkið mjög ókurteist og að því sé sama um allt. Meðalaldurinn þarna inni væri 40. ár. Sumir tvítugir og aðrir sextugir.

- Maður í ljótum fötum segir að það ætli einhver að spila smá fyrir þau, enginn hlustar. Ég fer á sviðið og sest í stól sem er alveg að brotna.
Öllum er sama.
Ég byrja að spila og syngja að mikilli einlægni. Varla neitt heyrist í mér vegna þess að allir eru að tala saman, margir að rífast og mikil læti eru.
Það byrjar einn og einn að horfa/hlusta á mig og það hefur góð áhrif á þau. Ég spila áfram.
Síðan byrja fleiri og fleiri að horfa og öllum líkar vel við mig. Jafnvel hörðustu jaxlarnir sem hata tónlist fá góða strauma úr tónlistinni minni.
Eiginlega allir eru hættir að tala. Eina sem heyrist er ég að syngja, tónarnir í gítarnum og e-ð smávægilegt í barþjóninum sem er að selja drykki.
Allir eru svakalega áhugasamir í tónlistina mína.

Þegar ég svo loks er búinn með lokalagið klappa allir af alefli og hvetja mig eins og ég sé hetja. Hetja tónlistar.

Þetta endurtek ég á nokkrum ógeðslegum krám og fer síðan aftur heim til íslands, með góða samvisku, glaður að hafa gert heimin að betri stað.

takk.

Hvílíkur dagur.

2006-02-24T00:52:00.000Z

Ég ætla að leysa frá skjóðu minni með því að segja ykkur frá einni sögu sem gerðist fyrir mig fyrr í dag.

Þetta var bara venjulegur dagur, ég skrópaði í tveimur tímum í skólanum vegna leti og aumingjaskaps. Eftir skóla fór ég heim að lúlla. Ég vaknaði við símann en þá var Baldur að hringja í mig og spurja mig um að skila magnaranum sínum vegna þess að hann var að fara að spila á tónleikum.

Magnarinn var í bílskúr hjá langömmu Birkirs, þar sem við æfum. Ég hringdi í Birki og sögðum honum að tala við ömmu sína. Því miður var hún ekki heima. Svo að Birkir sagði okkur bara að brjótast inn í bílskúrinn. Höfum gert það áður, vegna lyklaleysis.
Baldur sótti mig, keyrðum að bílskúrnum og byrjum að lemja og sparka í hurðinna sem opnaðist. Við sáum gamlan mann stara á okkur, hann var þó vingjarnlegur.
Ekkert meira með það við skutumst inn, sóttum magnaran og fórum í burtu.

Baldur fór sína leið, og ég mína.
Ég fór heim, fékk mér bara að éta í rólegheitunum. Skyndilega hringir Birkir og segist vera á leiðinni. Þegar hann er svo nýkominn inn, hringir símin minn og spurt er um Birki. Þetta var móðir hans.
Ekkert heyrist nema öskur og görg í síman. Eftir að hann skellir á tilkynnir hann mér að gamli vingjarnlegi karlinn hafi hringt á lögregluna.
Frekar fyndið, en hann hélt áfram og sagði að fyrir tveimur vikum hafi verið brotist inn bílskúr gamla vingjarnlega mannsins og auðvitað er okkur núna kennt um það. Ég veit nú samt ekki hvort það verður e-ð meira gert í málinnu, ég efa það.

Þegar upp er staðið erum við búnir að missa æfingaaðstöðuna okkar. Reyndar er Birkir bjartsýnn á að geta talað ömmu sína til, til að fá hann aftur.

- Þegar þessu var lokið skunduðum við á hlaup/sprett æfingu og svo á lyftingaræfingu. Ekkert geðveikt gaman sko. Tók mikið á, við mættum nú samt aðeins 6 á æfinguna. Samt er leikur á laugardaginn gegn KR!

Loks þegar ég var kominn heim, uppgefinn og svangur, hámaði ég í mig stútfullum disk af saltfisk og nokkrum brauðsneyðum með kæfu, ummmhmm.
Ég ætlaði síðan að horfa á Will & Grace í "nýja" sjónvarpinnu mínu, sem ég fékk fyrir tveimur dögum í láni frá mömmu og pabba, en það bara kveiknaði ekki á því! Það gæti vel verið að sökin sé mín.
29" tæki farið í súgin á tveimur dögum, ekkert spes. Vona bara að pabbi reddi þessu, hann er vanur því.

Síðan fór ég bara í FM, það var fínt.
Hvílíkur dagur ekki satt? Smá.

Bæ nördar og annað fólk.

Ógeð.

2006-02-20T14:04:00.000Z

Helvítis skóli, ég nenni ekki að vera í skóla. Ojj ullabjakk. Ógeð ógeð, ég vil bara vera í horninu mínu og dunda mér. Ég er aumingi.

Sæta hornið mitt

Ég er aldrei á þessari leiktíð búinn að læra heima. EÐA JÚ! Einu sinni fyrir íþróttasálfræðipróf en meira er það nú ekki. Æjji fokk.
Núna er ég að falla í ísl vegna mætingu. Ef ég á að giska hverju ég nái og hverju ekki. Þá verður þetta svona;
Ísl : Ekki (mæting)
Stæ : Ég næ
Íþf : Ég næ
Karfa: Ég næ
Íþr : Ég næ
Ens : Ég næ
UTN : Ég næ

Nú var þetta bara eitt. Jæja, en allavega ég er líka hættur í uppeldisfræði. Einfaldlega nennti þessu ekki. Þannig að það eru aðeins 14 einingar eftir og ekki má ég við því að missa fleiri.

Fokk, ykkur er alveg sama.
Bæ

Gjöðveikt

2006-02-20T03:11:00.000Z

Já, ég gerði miklar breytingar á síðunni. Ég var lengi að gera þær svo ekki segja að ykkur finnist þær vera ljótar. Ljúgið frekar bara að mér og segið að þær séu flottar.

Það er ekki hægt að skrifa íslenska stafi þarna vinstra megin í "Talfrelsi".

Ekki lengur. Neeeei.

2006-02-19T17:45:00.000Z

Jæja loksins gerði ég það, helgi án áfengis. Hef ekki upplifað þetta á nýja árinu. Áramótaheitið mitt er sem sagt komið í fokk.
Þegar að ég var búinn að drekka 5 sinnum mánuðinum sextánda febrúar ákvað ég að fara minnka þetta, og það töluvert. Ég vona að freistingin sé ekki eftir að sigrast á mér.

Ég ætla ekki að drekka fyrr en á árshátíð FB og síðan taka mér langa pásu. Ég er líka búinn að taka á mataræðinu, en það er að gerast hægt og bítandi. Reyndar er megavika búinn að vera stríða mér e-ð.

Jæja, 6 dagar í leik gegn KR á Leiknisvelli. Fokk ég hlakka til.

-bæ

STARFSMAÐUR MÁNAÐARINS! - eeeða svona næstum því.

2006-02-16T19:32:00.000Z

Eftir að hafa farið í semí erfitt skriflegt körfuboltapróf í dag ákvað ég að launa mér með pizzu, enda Megavika þessa vikunna. Reyndar var ég ekki nógu sáttur því ég á víst að vera í svakalegu matarátaki.
Ég og Ingi stútuðum pizzunni á met tíma, slurpimurpi. Nammi namm.
Síðan eins og þruma úr heiðskýru lofti fattaði ég að það væri starfsmannafundur í 11/11.

Er ég kom að minni ástkæru búð sá ég Dominos bíl! Svo þegar ég rölti inn í búðinna var Tinna, verslunarstýra, búinn að kaupa 5 pizzur handa okkur! Pirringurinn leyndi sér ekki! 1090 kall í fokking ekkert.

Svo leið á fundinn og ég neyddist til að skippa hlaup- og lyftingaræfingu. Ekkert gríðarlega svekktur.
Hún sagðist ætla að hafa framvegis starfsmann mánaðarins, og rétt eftir það sagði hún að ÉG og Edona hefðum verið duglegust að undanförnu. Auðvitað túlka ég það þannig að ég sé starfsmaður mánaðarins. Er það ekki? Mér finnst það.

Annars er ég núna bara að skella mér í jakkafötin á leið á Árshátíð MR, með hinum sísæta Róberti Blanco. Ég er víst date-ið hans, eða gestur eins og hann kallar það.
Ég ætla að fara á þetta ball með engar væntingar, þá verður kannski fínt.

Munið! Alltaf að vera svartsýnn afþví þá verður maður aldrei fyrir vonbrigðum. ha!? Já kúl.

Ég er hættur, fokkist til að kommenta! Annars eruði dead mafakka.

Sylvíu Nótt leikurinn - bad sjitt.

2006-02-15T16:36:00.000Z

Er ég var á leið minni úr skólanum, eins og ég geri á hverjum degi, þá sá ég kríakka að leika sér. Ekkert áhugavert við það, nema kannski að þau voru í Sylvíu Nótt leik!
Já! Þau voru í Sylvíu Nótt leik!
Það var frekar undarlegt. Þau kepptust um hver sagði "skiluru" betur. Síðan var stelpa að syngja Eurovision lagið í bakgrunn. Höfum það á hreinu, það er ömurlegt.

Þessi litlu börn voru svona 8. ára í mesta lagi. Þegar ég var svona ungur var ég nú bara í stríði við aðra litla krakka. Tímar hafa breyst, jáá tímar hafa breyst.

Fellaskóli í dag.

kv. klikkað bitur unglingur.

Jæja, fresh start.

2006-02-13T01:49:00.000Z

ég er back!

Var orðinn leiður á cisse nickinu.
Endilega stoppið við sem oftast.